特衰政府

睇電視新聞，見到曾蔭權向幾百人演說，我仲以為有咩重要政策出台添。點知原來係公佈「圖書館將會延長辦公時間」。

嘩，堂堂特區首長竟然同我講圖書館開多幾個鐘？真係辛苦晒你啦。咁你手上其他既「重要決策」會唔會係係彌敦道擺多三個垃圾筒、同陳生商量放多幾張閃卡咁？

香港有咁多重要問題 － 人口老化、在職貧窮、通漲、醫療融資、競爭力下降等等要處理，點解你唔搵你十六萬隻馬去做？只係識得博掌聲，有好消息就親自宣佈，壞消息就搵手下處理，完全無政治家既風範。香港呢種政治風氣真係唔要得。

相反我就好欣賞佢老細。中國既問題比香港多十萬倍，每個重要政策都影響十三億人既生活，又要面對國際社會既挑戰，危機處處。現今中國雖然仲有好多好多問題，但人民生活水準總算得到提升。胡主席既月薪都係得三千蚊咋。