其實香港十八歲以下既人士,分分鐘仲壞過十八歲以上既。不過點都加番個警句字樣啦。
廣東歌大家就聽得多,但我有時聽聽下歌,突然間會諗:「咁樣填都得?」係度舉少少例子,如果你唔同意,咁你就當我諗多左啦。
有一位稱作「梦」的著名填詞人,作品燴灸人口。但不文內容亦以佢未信佛時的作品最多,例如:
楊千嬅「放煙花」
偉大 偉大 偉大 偉大有沒有獎
向上 向上 向上 叫陌生者景仰
(又偉大又向上,你覺得係咩)
有沒有煙花 繼續放煙花 耗盡能量
大叫直到沙啞 別要靜下 大家感動了嗎
別要墮下 別要墮下
(放煙花 - 自己想像下啦。點解之後會感動呢?仲要_ _ 不倒...)
陳奕迅「大開眼戒」
情人如若很好奇 要有被我嚇怕的準備
試問誰可 潔白無比
如何承受這好奇 答案大概似剃刀鋒利
願赤裸相對時 能夠不傷你
(最初聽到,我以為....有病)
當你未放心 或者先不要走得這麼近
如果我露出斑點滿身 可馬上轉身
(病徵乎?)
容小姐既「痛愛」睇怕唔洗點講。
之後最有名的填詞人應該係黃生,又有例子:
容祖兒「Lucky Star」
你引致我床搖搖
(點解會床搖搖呢?)
綿羊十萬隻 又再數一次
仍然沒睡意 形成壞主意
叫他 臨床去將我醫
(「他」點樣醫你既「壞主意」?)
明明是夜極了 沒散會之意
麻煩慢慢唱 由頭做一次
這些 兒時我不會知 (所以今晚更加要知)
(由頭做一次,真係粗勞......點解一首兒歌兒時不會知?)
寫住咁多先,諗到再寫。