去左邊?

如果我係維他奶高層，係今次毒奶粉事件發生後，我必定打鑼打鼓洗多一千幾百萬去做宣傳，叫香港人轉飲豆奶！又平又有益，又無三聚氰胺。佢地去左邊？

仲有，毒奶事件發生左咁耐，世界衞生組織唔洗幫手架咩？陳馮富珍又去左邊？

九七年亞洲發生金融風暴，國際貨幣基金會廿幾萬個專家出黎教亞洲國家應該點點點；今次美國出事，呢班所謂專家又去晒邊？

個市跌到萬六七點，四五六叔又去晒邊？

全部失蹤晒。